„თავისუფალი დემოკრატების“ ორგანიზებით მიმდინარე საპროტესტო აქციას პროკურატურასთან რეგიონებიდან ჩამოსული მოქალაქეების გარდა, სხვადასხვა არასამთავრობო ორგანიზაციის წარმომადგენლებიც უერთდებიან.
აქციაზე არიან „ახალგაზრდა იურისტთა ასოციაციის“ და “საერთაშორისო გამჭვირვალობა-საქართველოს“ ხელმძღვანელები. რაც შეეხება პოლიტიკურ პარტიებს, აქციას უერთდებიან პაატა ბურჭულაძის პოლიტიკური მოძრაობა „სახელმწიფო ხალხისათვის“ წარმომადგენლები.
შეგახსენებთ, ”თავისუფალი დემოკრატების” წევრები და მხარდამჭერები ე.წ. კაბელების საქმეზე ბრალდებული 5 პირის დამნაშავედ ცნობას აპროტესტებენ.