ავღანეთის პროვინცია ჰელმანდში აზერბაიჯანული კომპანიის სატვირთო თვითმფრინავი ჩამოვარდა. შემთხვევის შედეგად 7 ადამიანი დაიღუპა, – ამის შესახებ ადგილობრივი მედია იტყობინება.
გავრცელებული ინფორმაციით, თვითმფინავი Ан-12 აზერბაიჯანულ ავიაკომპანია Silk Way-ს ეკუთვნოდა, რომელიც აფრენიდან მცირე დროში ჩამოვარდა.
ადგილობრივი მედიის ინფორმაციით, ეკიპაჟის წევრებს შორის აზერბაიჯანის, უკრაინისა და უზბეკეთის მოქალაქეები არიან. აზერბაიჯანის სამოქალაქო ავიაციის სახელმწიფო ადმინისტრაცია მომხდარის მიზეზს უკვე იძიებს.