კონსტანტინე გამსახურდიას დაბადების დღესთან დაკავშირებით, დღეს მისი სახელობის კაბინეტი გაიხსნა ეროვნულ ბიბლიოთეკაში.
კაბინეტში გამოფენილი იქნება მწერლის ნაქონი ლეგენდარული სავარძელი, ეროვნული ბიბლიოთეკის ფონდებში დაცული მწერლის ყველა მნიშვნელოვანი გამოცემა, მათ შორის უცხოენოვანი გამოცემები. ასევე წარმოდგენილი იქნება ეროვნული ბიბლიოთეკის ფოტოარქივში დაცული მწერლის უნიკალური ფოტოები.
კონსტანტინე გამსახურდიას სახელობის სამუშაო კაბინეტი ხელმისაწვდომი იქნება მკითხველებისთვის და ნებისმიერი დაინტერესებული პირისთვის.