რუსეთის ბაშკირეთის რესპუბლიკაში „ვაილდბერისის“ და „გაზპრომის“ ნავთობგადამამუშავებელ ქარხნებს ცეცხლი უკიდია.
ადგილობრივმა ხელისუფლებამ დაადასტურა, რომ ნავთობქიმიური კომპანია Gazprom Neftohim Salavat-ის ინდუსტრიულ ზონაში უპილოტო საფრენი აპარატის ჩამოვარდნამ ხანძარი გამოიწვია.
ტელეგრამ-არხებზე გავრცელებული კადრებიდან ჩანს, რომ უკრაინის საზღვრიდან დაახლოებით 1 400 კილომეტრის დაშორებით მდებარე ქალაქ სალავატში ნავთობგადამამუშავებელ ქარხანას დრონებით დაარტყეს.
ამასთან, როგორც Exilenova+ წერს, ხანძარი გაჩნდა ბაშკირეთის ჩიშმინსკის ოლქში მდებარე Wildberries-ის სასაწყობო და სადისტრიბუციო მასშტაბურ კომპლექსშიც, რომელიც ორმაგი გამოყენების პროდუქტების შესანახად და სადისტრიბუციოდ გამოიყენებოდა.
ადგილობრივი მოსახლეობა ავრცელებს კადრებს, სადაც კვამლსა და ცეცხლში გახვეული ქარხნები ჩანს.