დავით ბაქრაძე დიასპორის მინისტრის, გელა დუმბაძის განცხადებას ეხმაურება. ევროინტეგრაციის მინისტრის თქმით, საზღვარგარეთ მოღვაწე ქართველი ემიგრანტების საქმიანობა საამაყოა და ქართულ ეკონომიკაზე დადებით გავლენას ახდენს.
შეგახსენებთ, რომ დიასპორის მინისტრმა, გელა დუმბაძემ გაზეთ „კვირის პალიტრისთვის“ მიცემულ ინტერვიუში განაცხადა: „იმ საქმით, რითაც ჩვენი თანამემამულეები უცხოეთში არიან დაკავებული, საქართველოშიც შეიძლება დასაქმდე. თუ საზღვარგარეთ კადრულობენ, აქაც არის მსგავსი სამუშაო“.