თეთრმა სახლმა დაიცვა არგენტინის საფეხბურთო გუნდის სიტყვის თავისუფლების უფლება მას შემდეგ, რაც მათ ფოლკლენდის კუნძულების არგენტინის კუთვნილების შესახებ ბანერი გამოფინეს, – ამის შესახებ „ბიბისი“ წერს.
კითხვაზე, ცდებოდნენ თუ არა მოთამაშეები, თეთრი სახლის ფიფა-ს სამუშაო ჯგუფის ხელმძღვანელმა, ენდრიუ ჯულიანიმ განაცხადა, რომ გუნდს ჰქონდა შესაძლებლობა, „გაეკეთებინა ეს განცხადებები“ აშშ-ში.
ჟურნალისტებთან საუბრისას ჯულიანიმ აშშ-ის კონსტიტუციით გათვალისწინებული სიტყვის თავისუფლების დაცვაზე ისაუბრა და თქვა: „ჩვენ გვჯერა ამერიკის შეერთებულ შტატებში პირველი შესწორებით გათვალისწინებული ჩვენი უფლებების“.
მსოფლიო ჩემპიონატის ნახევარფინალური მატჩის შემდეგ არგენტინის ნაკრების მოთამაშეებმა მოედანზე ბანერი გაფინეს წარწერით – Las Malvinas son Argentinas, რაც ასე ითარგმნება: „ფოლკლენდის კუნძულები არგენტინულია“.