აშშ-მა ირანზე დარტყმების ახალი ტალღა განახორციელა. აშშ-ის ცენტრალური სარდლობის განცხადებით, შტატებმა ირანზე იერიში მას შემდეგ მიიტანა, რაც თეირანმა ჰორმუზის სრუტეში გამავალ გემზე თავდასხმა განახორციელა და სრუტე კვლავ დახურა.
აშშ-მა საჰაერო დარტყმები ირანის 140 სამხედრო სამიზნეზე განახორციელა, მათ შორის რაკეტებისა და დრონების განთავსების ადგილებზე, საკომუნიკაციო ქსელებსა და სანაპირო სათვალთვალო ადგილებზე.
ცენტრალური სარდლობის განცხადებით, აშშ-მა მიმდინარე კვირაში ირანზე დარტყმების მესამე რაუნდი მიიტანა, რაც „ირანის ისლამური რევოლუციის გუშაგთა კორპუსის“ მიერ ჰორმუზის სრუტეში კვიპროსის დროშის ქვეშ მცურავ გემზე შეტევის საპასუხო ნაბიჯია.
მედიის ცნობით, აშშ-ის თავდასხმის საპასუხოდ ირანმა იორდანიაში, არაბთა გაერთიანებულ საამიროებში, ქუვეითსა და კატარში შტატების სამხედრო ბაზებზე მიიტანა იერიში.