ირანმა სპარსეთის ყურეში აშშ-ის რამდენიმე სამხედრო ობიექტი დაბომბა მას შემდეგ რაც აშშ-მა ირანზე საჰაერო იერიში განახორციელა, – ინფორმაციას CNN-ი ირანის სახელმწიფო მედიაზე დაყრდნობით ავრცელებს.
ირანის სახელმწიფო მაუწყებლის, IRIB-ის ცნობით, “ირანის ისლამური რევოლუციის გუშაგთა კორპუსმა” კატარში ალ-უდეიდის საჰაერო ბაზაზე ბალისტიკური რაკეტები გაუშვა.
“ისლამური რევოლუციის გუშაგთა კორპუსში” აცხადებენ, რომ „მძიმე და მოულოდნელი თავდასხმა განახორციელეს საზღვაო გემების ლოჯისტიკური მხარდაჭერის ობიექტებზე და ომანის დუქმის პორტში საწვავის შესავსებ პლატფორმებზე, რომელსაც ამერიკული ავიამზიდები იყენებენ“.
ამასთან, ირანის არმიის ცნობით, ქუვეითში აშშ-ის სამხედრო ობიექტების, მათ შორის Patriot-ის საჰაერო თავდაცვის სისტემის წინააღმდეგ, დრონები გაუშვეს. ბაჰრეინში კი, სადაც აშშ-ის მე-5 ფლოტია განლაგებული, აშშ-ის ძალების კუთვნილი საკომუნიკაციო სისტემა და რადარის დანადგარი დაბომბეს.