“რუსეთი ყაზახეთს, საქართველოსა და აზერბაიჯანს რუსეთთან საზღვრების ჩაკეტვას სთხოვს. “შავი აგვისტო” კარსაა მომდგარი” – ესტონეთის ყოფილი პრეზიდენტი

ესტონეთის ყოფილი პრეზიდენტის ინფორმაციით, რუსეთი მეზობელ ქვეყნებს, ყაზახეთს, საქართველოსა და აზერბაიჯანს რუსეთთან საზღვრების ჩაკეტვას სთხოვს.

თომას ჰენდრიკ ილვესი წყაროს მიერ მოწოდებული ინფორმაციის თანახმად იუწყება, რომ კრემლმა რამდენიმე მეზობელი ქვეყნის ხელმძღვანელობასთან აღნშნულ საკითხზე უკვე გამართა დახურული კონსულტაციები.

როგორც ესტონეთის ყოფილი პრეზიდენტი სოციალურ ქსელში წერს, შედეგად საჭირო პერიოდის განმავლობაში რუსეთის დატოვება პრაქტიკულად შეუძლებელი გახდება.

“მობილიზაცია ახლოვდება. “შავი აგვისტო” კარსაა მომდგარი” – წერს თომას ჰენდრიკ ილვესი.

“რუსეთი ყაზახეთს, საქართველოსა და აზერბაიჯანს რუსეთთან საზღვრების ჩაკეტვას სთხოვს.
მობილიზაცია ახლოვდება.
“შავი აგვისტო” კარსაა მომდგარი.
წყაროს მიერ მოწოდებული ინფორმაციით, კრემლმა რამდენიმე მეზობელი ქვეყნის ხელმძღვანელობასთან (პირველ რიგში ყაზახეთთან, შედარებით ნაკლებად საქართველოსთან, შესაძლოა აზერბაიჯანთან და სხვებთან) გამართა დახურული კონსულტაციები, რომლებიც 2026 წლის შემოდგომაზე რუსეთის ფედერაციიდან შესვლა-გასვლის დროებით შეზღუდვას ეხება.
თავად რუსეთი საზღვრებს არ ჩაკეტავს – ოფიციალურად, ყველაფერი ღია დარჩება. საზღვრის ჩაკეტვას მეზობელი ქვეყნები საკუთარი მხრიდან უზრუნველყოფენ ისეთი მიზეზებით, როგორიცაა: „ტექნიკური პრობლემები“, „გაძლიერებული კონტროლი“, „სამხედრო სწავლებები“ ან „სანიტარული ზომები“.
შედეგად, საჭირო პერიოდის განმავლობაში რუსეთის დატოვება უკიდურესად გართულდება ან პრაქტიკულად შეუძლებელი გახდება. ამ ყველაფრის მიზანია ქვეყნის შიგნით რაიმე მასშტაბური „მოვლენის“ განხორციელება გარე სამყაროსგან მაქსიმალური იზოლაციისა და მოსახლეობის/სპეციალისტების გადინების მინიმუმამდე შემცირების პირობებში.
ამ ეტაპზე ეს ინფორმაცია ჯერ კიდევ დაუდასტურებელია, თუმცა სასაზღვრო რეგიონებში არსებულმა რამდენიმე ერთმანეთისგან დამოუკიდებელმა წყარომ უკვე დაიწყო მინიშნება ლოჯისტიკაში მოსალოდნელ „არასასიამოვნო სიურპრიზებზე“, რომლებიც, სავარაუდოდ, სექტემბერ-ოქტომბრიდან დაიწყება.” – წერს X-ზე ესტონეთის ყოფილი პრეზიდენტი.