ანექსირებული ყირიმის ნაცვლად რუსეთის ტურისტული ინდუსტრიის კავშირი რუს ტურისტებს ოკუპირებულ აფხაზეთში დასვენებას სთავაზობს.
ყირიმში წელს ტურისტული სეზონი ჩავარდა, რაც უკრაინის ყოველდღიურმა თავდასხმებმა გამოიწვია რუსების ინფრასტრუქტურაზე. ანექსირებული ნახევარკუნძულის ე.წ. ხელისუფლებამ საგანგებო მდგომარეობა გამოაცხადა, დააწესა ელექტროენერგიის გრაფიკი, აამოქმედა საწვავის გაყიდვაზე ლიმიტები და აკრძალა საბავშვო ბანაკებისა და გამაჯანსაღებელი ცენტრების მუშაობა.
რუსეთის ტურისტული ინდუსტრიის კავშირი ტურისტებს სანაცვლოდ, ოკუპირებული აფხაზეთის გარდა ანაპის, კალინინგრადის ოლქის კურორტებსა და კასპიის ზღვის სანაპიროს მონახულებას სთავაზობს.