კრასნოდარის მხარეში მდებარე ყუბანის სლავიანსკის ნავთობგადამამუშავებელი ქარხანა, რომელსაც უკრაინელებმა 27 ივნისს ღამით დაარტყეს, ამ დრომდე იწვის – ინფორმაციას უკრაინული Telegram-არხები ავრცელებენ და წერენ, რომ კრასნოდარის მხარეში, სადაც სლავიანსკის ნავთობგადამამუშავებელი ქარხანა მდებარეობს, ძლიერი დაკვამლიანებაა.
სლავიანსკის ნავთობგადამამუშავებელი ქარხანა რუსეთის ერთ-ერთი უმსხვილესი ნავთობგადამამუშავებელი ქარხანაა. ის აწარმოებს გაზის ბენზინს (გაზოლინს), დიზელის ტექნოლოგიურ ფრაქციას (ДТФ), მაზუთს, გემის დაბალი სიბლანტის საწვავს (СМТ), ვაკუუმურ გაზოილს და სხვა ნავთობპროდუქტებს. ქარხნის სიმძლავრე წელიწადში დაახლოებით 4-5 მილიონ ტონა ნედლეულს შეადგენს და იგი უზრუნველყოფს სამხრეთის ფედერალურ ოლქში ნავთობის გადამუშავების მოცულობის დაახლოებით 9%-ს. ქარხანა შედის ნავთობპროდუქტების იმ მსხვილ ექსპორტიორთა რიცხვში, რომლებსაც პროდუქცია შავი ზღვის პორტების გავლით გააქვთ.