ოკუპირებულ ყირიმში დრონებით იერიშების შემდეგ აფეთქებები მოხდა, – ინფორმაციას უკრაინული მედია ავრცელებს.
მედიის ინფორმაციით, აფეთქებების ხმა სევასტოპოლის, სიმფეროპოლისა და საკის მახლობლად ისმოდა.
ასევე, „ტელეგრამ“ არხების ცნობით, აფეთქება მოხდა ბალაკლავას თბოელექტროსადგურის მიმდებარე ტერიტორიაზეც.
ოკუპირებული სევასტოპოლის ე.წ. გუბერნატორმა, მიხაილ რაზვოჟაევმა განაცხადა, რომ ელექტროენერგიის მიწოდებაზე შეზღუდვები დაწესდა.
რაზვოჟაევმა მოსახლეობას მოუწოდა, რომ „დროებით გართულებებს გაგებით მოეკიდონ“.