უკრაინის პრეზიდენტმა, ვოლოდიმირ ზელენსკიმ ბელარუსს მოუწოდა, რუსეთის შეიარაღებული ძალებისთვის საწვავის მიწოდება შეწყვიტოს.
უკრაინის პრეზიდენტის თქმით, წინააღმდეგ შემთხვევაში, უკრაინა ჯერ საჯარო, შემდეგ კი სხვა ნაბიჯებს გადადგამს.
მანამდე ზელენსკიმ განაცხადა, რომ ბელარუსის პრეზიდენტს, ალექსანდრ ლუკაშენკოს ერთი კვირა აქვს, რათა მოხსნას დრონების რეტრანსლატორები, რომლებიც უკრაინის ქალაქებზე თავდასხმებისას რუსული უპილოტოების კორექტირებას ახდენენ. ზელენსკის თქმით, წინააღმდეგ შემთხვევაში, ამას თავად უკრაინა გააკეთებს.
ამასთან, ვოლოდიმირ ზელენსკიმ აღნიშნა, რომ ბელარუსი რუსეთის არმიისთვის საწვავის ერთ-ერთი ყველაზე მსხვილი მიმწოდებელია. მისივე თქმით, ლუკაშენკოს შეუძლია, ეს შეაჩეროს.