უკრაინის უპილოტო ძალების მეთაური, რობერტ „მადიარ“ ბროვდი სოციალურ ქსელში განცხადებას ავრცელებს:
“ლავრა საუკუნეებს გაუძლებს! მოსკოვი დაეცემა!…
ბრაზის აფეთქებების ნაცვლად საწვავის აფეთქებები – პრაგმატული სასჯელი, ემოციებისა და ზედმეტი სიტყვების გარეშე. თქვენ ყოველ წამს შიშში უნდა იცხოვროთ, ჭიებო, ჭაობების მთელ ტერიტორიაზე.
უკრაინის უპილოტო სისტემების ძალების პირველი სპეციალური ცენტრის „ფრინველებმა“, უსაფრთხოების სამსახურთან, დაზვერვის მთავარ სამმართველოსთან და თავდაცვის ძალების სხვა ქვედანაყოფებთან ერთად, მოსკოვის ნავთობგადამამუშავებელ ქარხანაზე შედეგიანი ცეცხლოვანი დარტყმა განახორციელეს. სამაგიეროს გადახდის კონვეიერი მუშაობს…” – წერს რობერტ „მადიარ“ ბროვდი.
15 ივნისის ღამეს რუსეთმა უკრაინაში კიევ-პეჩერის ლავრა დაბომბა. დღეს დილიდან კი უკრაინამ მოსკოვის მთავარ ნავთობგადამამუშავებელ ქარხანას დაარტყა.