დიდი ბრიტანეთის მიერ დაკავებულ რუსული ჩრდილოვანი ფლოტის ტანკერზე საქართველოს მოქალაქეებიც იმყოფებოდნენ – ამის შესახებ ინფორმაციას BBC ავრცელებს და წერს, რომ დიდი ბრიტანეთის ეროვნული კრიმინალური სააგენტოზე დაყრდნობით წერს, რომ დაკავებულ გემზე სულ ეკიპაჟის 24 წევრი იმყოფებოდა, მათ შორის საქართველოსა და ინდოეთის მოქალაქეებიც.
სპეცოპერაციის ფარგლებში, სანქციების დარღვევის ეჭვით, უკვე დაკავებულია ინდოეთის ერთი მოქალაქე, რომელიც გამომძიებლებმა დაკითხვის მიზნით იზოლატორში გადაიყვანეს. რაც შეეხება ეკიპაჟის დანარჩენ წევრებს, მათ შორის საქართველოს მოქალაქეებს, BBC-ის ცნობით, ისინი ამ დროისთვის ბორტზე იმყოფებიან.
რუსეთს ოფიციალური კომენტარი აღნიშნულ საკითხთან დაკავშირებით ჯერჯერობით არ გაუკეთებია.
BBC Verify-ის ინფორმაციით, მან გემმა გეზი 5 ივნისს რუსეთის უსტ-ლუგას პორტიდან (სანქტ-პეტერბურგის მახლობლად მდებარე ნავთობის ტერმინალი) აიღო, შაბათს კი ლა-მანშის სრუტეში შევიდა.
გემს, რომელიც დიდი ბრიტანეთის პრემიერმინისტრის დავალებით ქვეყნის შეიარაღებულმა ძალებმა 13 ივნისს შეაჩერეს, სანქციები ჯერ კიდევ 2025 წლის ივლისში დაუწესდა, რის შემდეგაც მან სახელი Myrtos-იდან Smyrtos-ად გადაიკეთა და ორჯერ შეიცვალა დროშა, რომლის ქვეშაც დაცურავდა. ბრიტანეთის თავდაცვის სამინისტროს განცხადებით, ოპერაცია საერთაშორისო წყლებში ჩატარდა და სრულად შეესაბამებოდა როგორც შიდასახელმწიფოებრივ, ისე საერთაშორისო სამართალს. ხელში ჩაგდების ოპერაცია კვირების განმავლობაში იგეგმებოდა და ფრანგულ მხარესთან მჭიდრო კოორდინაციით განხორციელდა.
“ეს წარმატებული ოპერაცია კიდევ ერთ დარტყმას აყენებს რუსეთს და ახსენებს მათ, ვინც პუტინის ომს უკრაინაში მხარს უჭერს, რომ ჩვენ მათ დამალვის უფლებას არ მივცემთ. მინდა მადლობა გადავუხადო ამ საქმეში ჩართულ პირებს, მათ შორის ჩვენს შეიარაღებულ ძალებს და სამართალდამცავ ორგანოებს, რომლებიც ამ ქვეყნის უსაფრთხოებას 24 საათის განმავლობაში, წელიწადში 365 დღე იცავენ“ – დაწერს პლატფორმა X-ზე დიდი ბრიტანეთის პრემიერმინისტრი კირ სტარმერი.