„ბლუმბერგის” ინფორმაციით, აშშ და ირანი 15-17 ივნისს დაგეგმილ „დიდი შვიდეულის“ სამიტამდე ჰორმუზის სრუტეში საომარი მოქმედებების დასრულებისა და ნაოსნობის აღდგენის შესახებ შეთანხმების ხელმოწერას უახლოვდებიან.
„დიდი შვიდეულის“ სამიტი 15-17 ივნისს საფრანგეთის ალპებში, ევიანში გაიმართება. ჟენევა ახლოს მდებარეობს და, გავრცელებული ინფორმაციის თანახმად, ირანსა და შეერთებულ შტატებს შორის კვირას მემორანდუმის ხელმოწერის შესაძლო ადგილად განიხილება.