ირანის საგარეო საქმეთა სამინისტროში აცხადებენ, რომ აშშ-ის თავდასხმები დიპლომატიურ პროცესებს აზიანებს. ამის შესახებ ირანის საგარეო საქმეთა სამინისტროს პრესსპიკერმა, ისმაილ ბაღაიმ განაცხადა.
ბაღაის თქმით, დიპლომატიური პროცესები ზიანდება ცეცხლის შეწყვეტის განმეორებითი დარღვევებით, პოზიციების ცვლითა და ურთიერთგამომრიცხავი გზავნილებით, ამავდროულად, ლიბანში სამხედრო ოპერაციებით.
„დიპლომატიური პროცესი ვაკუუმში არ მიმდინარეობს. ნებისმიერი მოლაპარაკების ან დიპლომატიური პროცესის წინსვლისთვის საჭიროა მინიმალური სივრცე“, – განაცხადა ბაღაიმ.
მისი თქმით, ირანი მოლაპარაკებების პროცესს გადახედავს.