უკრაინელებმა დრონებით დაბომბეს ხიდი, რომელიც ანექსირებულ ყირიმსა და ხერსონს აკავშირებს – ამის შესახებ ინფორმაციას ხერსონის ოკუპირებული ნაწილის ე.წ. გუბერნატორი სოციალურ ქსელში ავრცელებს. მისი მტკიცებით, დრონებით დარტყმის შედეგად ხიდი დაზიანდა და დროებით დაიკეტა.
ჩონგარის ხიდი ერთ-ერთი მთავარი მარშრუტია, რომელიც ანექსირებულ ყირიმს ხერსონის ოლქის ოკუპირებულ ნაწილთან აკავშირებს. მასზე გადის უკრაინის სამხრეთით მყოფი რუსული დაჯგუფების სამხედრო ტვირთი, აღჭურვილობა და მარაგი.