დრონებით შეტევა განხორციელდა კავკასიაში რუსეთის ერთ-ერთ უდიდეს ნავთობის საცავზე.
უკრაინული მედიის ცნობით, დრონებმა ღამით ნოვოროსიისკს შეუტიეს, რამაც ხანძარი გამოიწვია „გრუშოვაიას“ ნავთობის ბაზაში, რომელიც „შესხარისის“ გადამტვირთავი კომპლექსის ნაწილია.
ნოვოროსიისკის მცხოვრებლებმა ღამით დაახლოებით 50 დარტყმის შესახებ განაცხადეს.
„გრუშოვაიას“ სამრეწველო ობიექტი ნოვოროსიისკიდან დაახლოებით 12 კილომეტრში მდებარეობს. ის ასევე კავკასიაში ერთ-ერთი უდიდესი გადამზიდავი ნავთობის საწყობია. საჯაროდ ხელმისაწვდომი მონაცემებით, სამრეწველო ობიექტი დაახლოებით 212–213 ჰექტარს მოიცავს. ტერიტორიაზე ნავთობისა და ნავთობპროდუქტების შესანახი ათობით ავზია განთავსებული, რომელთა საერთო ტევადობა 1.2 მილიონ კუბურ მეტრს აღემატება.