პეტერ მადიარმა ვიქტორ ორბანს „ოსჩადბანკის“ წინააღმდეგ განხორციელებულ რეიდთან დაკავშირებით პასუხისმგებლობის აღებისკენ მოუწოდა. როგორც უნგრეთის პრემიერ-მინისტრი პეტერ მადიარი სოციალურ ქსელში წერს, ჟურნალისტურმა გამოძიებამ დაადასტურა, რომ 2025 წლის მარტში უკრაინული „ოსჩადბანკის“ ინკასატორებისა და ქონების წინააღმდეგ ჩატარებული ოპერაციის ბრძანება პირადად ვიქტორ ორბანმა გასცა.
მადიარის თქმით, ორბანი სამართალდამცავი ორგანოებისა და სპეცსამსახურების საქმიანობას უშუალოდ აკონტროლებდა და რეიდების ჩატარებასა თუ გამოძიებების გაჭიანურებაზე გადაწყვეტილებებს თავად იღებდა.
„ვიქტორ ორბანი პირადად ხელმძღვანელობდა სამართალდამცავი ორგანოებისა და სპეცსამსახურების მუშაობას. მას შეეძლო, დამოუკიდებლად მიეღო გადაწყვეტილებები როგორც რეიდების ჩატარების, ისე გამოძიებების გაჭიანურების შესახებ. მან პასუხისმგებლობა უნდა აიღოს“, – წერს მადიარი.