ირანის სულიერი ლიდერის სამხედრო მრჩეველის, მოჰსენ რეზაის განცხადებით, „საზღვაო ბლოკადის გაგრძელებითა და მოლაპარაკებების დროს გადაჭარბებული მოთხოვნების წამოყენებით“ ტრამპმა კიდევ ერთხელ აჩვენა, რომ რეალური მოლაპარაკებებით დაინტერესებული არ არის და სხვა მიზნები აქვს.
„როგორც მოსალოდნელი იყო, ამერიკის შეერთებული შტატების პრეზიდენტი უკვე მესამედ ღალატობს დიპლომატიას“, – განაცხადა რეზაიმ.
მისი თქმით, წინა ორი შემთხვევა უკავშირდება ირანის წინააღმდეგ განხორციელებულ სამხედრო ოპერაციებს, რომლებიც, მისი შეფასებით, ირანსა და აშშ-ს შორის არაპირდაპირი ბირთვული მოლაპარაკებების ფონზე მიმდინარეობდა.