კასპიის ტრანზიტის აღმოსავლეთ-დასავლეთ შუა დერეფნის, რომელიც თანამედროვე აბრეშუმის გზის ექვივალენტია, მნიშვნელობა ყოველდღიურად უკეთ გასაგები ხდება, – ამის შესახებ თურქეთის პრეზიდენტმა, რეჯეფ თაიფ ერდოღანმა ყაზახეთში ვიზიტის დროს განაცხადა.
თურქეთის პრეზიდენტის თქმით, ანკარა გააგრძელებს ამ დერეფნის განვითარებას ყაზახეთთან და სხვა პარტნიორებთან ერთად არა მხოლოდ საქონლის გადაზიდვისთვის, არამედ ენერგორესურსების დასავლეთში ტრანსპორტირებისთვისაც.
„ჩვენ ვისწრაფვით, რომ ყაზახეთიდან, მსოფლიოში ერთ-ერთი წამყვანი ნედლი ნავთობის ექსპორტიორიდან, მსოფლიო ბაზრებზე მეტი ნავთობი ჩვენი ქვეყნის გავლით გავიტანოთ“, – აღნიშნა რეჯეფ თაიფ ერდოღანმა.