პენტაგონმა მოულოდნელად გააუქმა პოლონეთში ჯავშანსატანკო ბრიგადის განლაგება.
როგორც „უოლ სთრით ჯორნალი“ წერს, ეს გადაწყვეტილება ევროპაში ამერიკული სამხედრო კონტინგენტის შემცირების გეგმის ნაწილია.
პოლონეთში განლაგება უკვე დაწყებული იყო, თუმცა აშშ-ის თავდაცვის მდივანმა, პიტ ჰეგსეტმა პროცესი გააჩერა.
„ბლექ ჯეკის“ სახელით ცნობილი ბრიგადა 4 000-ზე მეტ სამხედრო მოსამსახურეს აერთიანებს. ნაწილი მათგანი გზაში იყო, როცა ბრძანება გაუქმდა.
ცნობისთვის, პოლონეთი მზადყოფნას გამოხატავდა, გერმანიიდან გამოყვანილი ამერიკული ჯარი მიეღო.