“კომედი შოუს“ ერთ-ერთი მსახიობი გუშინ გვიან ღამით ბელიაშვილის ქუჩაზე, ფეხით გადაადგილების დროს მსუბუქი მანქანა დაეჯახა.
ჩვენ შეგნებულად არ ვაქვეყნებთ სახელს და გვარს რადგან როგორც შევიტყეთ მისმა ზოგიერთმა ახლობელმა მომხდარის შესახებ არ იცის.
ქირურგიის ეროვნულ ცენტრში აცხადებენ, რომ პაციენტი შეყვანილია შოკის მდგომარეობაში, გულ-მკერდისა და მუცლის ღრუს დახურული ტრავმებით, ამასთან ერთად წვივის ძვლების მოტეხილობით. ჩაუტარდა ქირურგიული ოპერაცია მუცლის ღრუზე. პაციენტის მდგომარეობა რჩება მძიმე, ამ დრომდე იმყოფება მართვით სუნთქვაზე და წევს კრიტიკული მედიცინის დეპარტამენტში (რეანიმაციაში).
ამ დღეებში იგეგმება ტრავმატოლოგიური ოპერაცია. ოპერაციის ზუსტი თარიღი არ არის ცნობილი, რადგან პაციენტის მდგომარეობაზეა დამოკიდებული.
როგორც შს სამინისტროში აცხადებენ, გამოძიება სისხლის სამართლის კოდექსის 276-ე მუხლის პირველი ნაწილით მიმდინარეობს, რაც სატრანსპორტო საშუალების ექსპლუატაციის წესის დარღვევას გულისხმობს, რამაც ჯანმრთელობის ნაკლებად მძიმე დაზიანება გამოიწვია.