ირანმა ომანის ყურეში ნავთობტანკერი Ocean Koi დააკავა.
გავრცელებული ცნობით, ტანკერი ირანის ნავთობის ექსპორტის ჩაშლის სავარაუდო მცდელობის გამო დააკავეს.
ირანული წყაროების ცნობით, ბარბადოსის დროშის ქვეშ მცურავ ტანკერს ირანული ნავთობი გადაჰქონდა და „ცდილობდა ზიანი მიეყენებინა და ხელი შეეშალა ნავთობის ექსპორტისთვის. რეგიონალური პირობების გამოყენებით“.
ნავთობტანკერი, რომელიც თებერვლიდან აშშ-ის სანქციების ქვეშ იმყოფება, ირანის სამხრეთ სანაპირომდე ესკორტით გადაიყვანეს და სასამართლო ხელისუფლებას გადასცეს. დაკავება აშშ-სა და ირანის ძალებს შორის ჰორმუზის სრუტეში შეტაკების შემდეგ მოხდა, რომელიც სპარსეთის ყურეს ომანის ყურესთან აკავშირებს.
ირანმა დიდწილად დაკეტა ვიწრო გზა, რომლითაც მსოფლიო ნავთობის ნაკადის დაახლოებით მეხუთედი გადაადგილდებოდა 28 თებერვალს ირანის წინააღმდეგ აშშ-ისრაელის ომის დაწყებამდე.