ისრაელის თავდაცვის სამინისტროში აცხადებენ, რომ ქვეყანა ამერიკის შეერთებული შტატებისგან საბრძოლო თვითმფრინავების ორ ესკადრილიას შეიძენს.
როგორც მედია წერს, კონკრეტული რაოდენობა არ სახელდება, თუმცა ესკადრილია, სხვადასხვა ქვეყნის სამხედრო სტანდარტის მიხედვით, შეიძლება, 12-დან 24 თვითმფრინავს მოიცავდეს. ეს ნაბიჯი ისრაელის 119-მილიარდდოლარიანი სამხედრო გაძლიერების გეგმის ნაწილია.
ისრაელში აღნიშნეს, რომ ირანთან ომმა „კიდევ ერთხელ დაადასტურა, თუ რამდენად მნიშვნელოვანია აშშ-ისრაელის სტრატეგიული კავშირი და მოწინავე საჰაერო ძალები“.
ცნობისთვის, ისრაელმა ცალკე შეთანხმება გასული წლის დეკემბერში გააფორმა 8.6 მილიარდ დოლარად 25 თვითმფრინავის შეძენაზე.