უკრაინელების თავდასხმის შედეგად მე-5 დღეა რუსეთში ტუაფსეს ნავთობგადამამუშავებელი ქარხანა იწვის – ამის შესახებ ინფორმაციას Deutsche Welle უკრაინულ მედიაზე დაყრდნობით ავრცელებს.
უკრაინამ რუსეთის ქალაქ ტუაფსეში სამრეწველო ობიექტებს 16 აპრილს დაარტყა, განმეორებით კი 20 აპრილს. უკრაინული მედიის ცნობით, ნავთობგადამამუშავებელ ქარხანაში 3 რეზერვუარი დაზიანდა. რუსეთის მხარე აცხადებს, რომ თავდასხმების შედეგად დაღუპულია 1 ადამიანი – არიან დაშავებულებიც.