პენტაგონში განაცხადეს, რომ ამერიკელმა სამხედროებმა დააკავეს გემი M/T Tifani, რომელიც სანქციების ქვეშ იმყოფება ირანული ნავთობის გადაზიდვის გამო.
განცხადებაში აღნიშნულია, რომ ოპერაცია ჩატარდა აშშ-ის შეიარაღებული ძალების ინდოეთისა და წყნარი ოკეანის სარდლობის პასუხისმგებლობის ზონაში.
სამხედროებმა გემი შეაჩერეს და ბორტზე დათვალიერება ჩაატარეს „ყოველგვარი ინციდენტის გარეშე“.
პენტაგონში ხაზგასმით აღნიშნეს, რომ მსგავსი ოპერაციები სანქცირებული გემების წინააღმდეგ მომავალშიც გაგრძელდება.
„ჩვენ გავაგრძელებთ გლობალურ ზომებს საზღვაო სამართლის აღსასრულებლად, რათა დავშალოთ უკანონო ქსელები და შევაჩეროთ სანქცირებული გემები, რომლებიც მატერიალურ მხარდაჭერას უწევენ ირანს, სადაც არ უნდა მოქმედებდნენ ისინი. საერთაშორისო წყლები არ წარმოადგენს თავშესაფარს სანქცირებული გემებისთვის“მ – ნათქვამია აშშ-ის თავდაცვის დეპარტამენტის განცხადებაში.
ცნობისთვის, გემი M/T Tifani ბოტსვანის დროშის ქვეშ ცურავდა. აშშ-მა ტანკერს სანქციები 2025 წლის 30 ივლისს დაუწესა ირანული ნავთობის ტრანსპორტირების გამო.