ბუქარესტში თბოელექტროსადგურის ტერიტორიაზე აფეთქება მოხდა, რამაც მასშტაბური ხანძარი გამოიწვია, – ინფორმაციას რუმინული მედია ავრცელებს.
ადგილობრივი მედიის ინფორმაციით, რუმინეთის დედაქალაქ ბუქარესტში მდებარე CET Vest-ის თბოელექტროსადგურის ტერიტორიაზე აფეთქება ორშაბათს საღამოს გვიან გაჩნდა.
რუმინეთის საგანგებო სიტუაციების მართვის სამსახურის ცნობით, ხანძარი ორ ელექტროტრანსფორმატორს გაუჩნდა და ადგილზე არსებული 30 ტონა ზეთი დაიწვა, რამაც ცეცხლის ჩაქრობა გაართულა.
საგანგებო სიტუაციების მართვის სამსახურის განცხადებით, თბოელექტროსადგურის ტერიტორიაზე გაჩენილი ხანძარი კონტროლს ექვემდებარება და მომხდარის შედეგად არავინ დაშავებულა.