უკრაინამ რუსეთის ქალაქ ნოვოჩერკასკში, სავარაუდოდ, მოტომსროლელი დივიზიის სამხედრო ნაწილი დაბომბა – ინფორმაცია და ფოტო-ვიდეომასალა უკრაინულ Telegram-არხებზე ვრცელდება. როგორც ადგილობრივი მედია წერს, სავარაუდოდ, დარტყმის ქვეშ მოხვდა 150-ე მოტომსროლელი დივიზიის სამხედრო ნაწილი.
უკრაინული Telegram-არხები წერენ, რომ ქალაქში დრონებით დაიბომბა სარკინიგზო ინფრასტრუქტურაც, რის გამოც სარკინიგზო-საკონტაქტო ქსელი დაზიანდა, შეჩერდა მატარებლების ნაწილის მოძრაობაც.