თურქეთის საგარეო საქმეთა მინისტრის, ჰაკან ფიდანის განცხადებით, ევროპული უსაფრთხოების არქიტექტურიდან აშშ-ს გასვლა დესტრუქციული იქნება.
მისი თქმით, მიმდინარეობს დისკუსიები, როგორ უნდა მოხდეს აშშ-ის შესაძლო გასვლის მართვა ან შეჩერება. მისივე თქმით, ეს კოორდინირებულად თუ არ მოხდება, ევროპისთვის დესტრუქციული იქნება.
„ჩვენ აქტიურად განვიხილავთ, როგორ ვმართოთ ან შევაჩეროთ აშშ-ის გასვლა ევროპული უსაფრთხოების არქიტექტურიდან. არა სრულად, არამედ ნაწილობრივ. ნაწილობრივ გასვლაც კი ძალიან დესტრუქციული იქნება ევროპისთვის, თუ ეს კოორდინირებულად არ მოხდება“, – განაცხადა ფიდანმა ანტალიის დიპლომატიური ფორუმის პანელურ შეხვედრაზე.
მისი თქმით, დიდი ხანია, ხმას იმაღლეს ნატო-ში შემავალ ევროკავშირის სახელმწიფოების მიმართ, რომლებიც „მოქმედებენ, როგორც ცალკე კლუბი“. მისი თქმით, ისინი დამოუკიდებლად იღებენ გადაწყვეტილებებს, იმ შემთხვევაშიც კი, თუ ეს ალიანსის პოზიციას ეწინააღმდეგება.
„გინდათ, ნატო-ს შიგნით ევროკავშირის ცალკე ორგანიზაციად იქცეთ? ამერიკამ თქვა: „გიშვებთ, ვწყვეტ კავშირებს““, – განაცხადა ფიდანმა.