სანქტ-პეტერბურგში სამხედრო ნაწილიდან გაქცეულმა ჯარისკაცმა ბადრაგი მოკლა – ინფორმაციას რუსული მედია ავრცელებს.
რუსეთის ფედერალური საგამოძიებო კომიტეტის ინფორმაციით, ჯარისკაცი 15 აპრილს საკუთარი ქვედანაყოფიდან გაიქცა, 16 აპრილს ის სამხედრო პოლიციამ დააკავა. სანქტ-პეტერბურგში, ბაზაზე დაბრუნებისას კი მან ერთ-ერთ ბადრაგს დანა დაარტყა. მკვლელობის შემდეგ ის გაიქცა, თუმცა მალევე დააკავეს.
სისხლის სამართლის საქმე სამსახურებრივი მოვალეობის შესრულებისას პირის მკვლელობის მუხლით აღიძრა.