რუსული მედია წერს, რომ რუსული Urals-ის მარკის ნავთობის ფასის ზრდის მიუხედავად, უკრაინული დრონების იერიშების ფონზე რუსული პორტებიდან ნავთობის ექსპორტი შემცირდა.
Коммерсант ფასობრივი ინდექსების ცენტრის (ЦЦИ) მონაცემებზე დაყრდნობით აღნიშნავს, რომ რუსეთიდან ნავთობის საზღვაო ექსპორტი აპრილის შუა პერიოდში შემცირდა და 2024 წლის ზაფხულის შემდეგ მინიმალურ ნიშნულს მიაღწია, ხოლო თვის საბოლოო შედეგებით, შესაძლოა, 2023 წლის შემდეგ ყველაზე დაბალ დონემდეც დაეცეს.
გამოცემა აღნიშნავს, რომ უკრაინული იერიშების შედეგად დაზიანებული საპორტო ინფრასტრუქტურის აღდგენას დაახლოებით ერთი თვე დასჭირდება.