რუსეთის მიერ უკრაინის დნეპროპეტროვსკის რეგიონზე თავდასხმას მსხვერპლი მოჰყვა მშვიდობიან მოსახლეობაში.
უკრაინული მედიის თანახმად, დღეს დილით რუსეთის სამხედროებმა ქალაქ ნიკოპოლში უპილოტო აპარატით თავდასხმა განახორციელეს მიკროავტობუსზე, რასაც სამი ადამიანი ემსხვერპლა, 12 კი დაშავდა.
საგანგებო სიტუაციების სამსახურმა ასევე განაცხადა, რომ მაშველებმა და სამედიცინო პერსონალმა შვიდი ადამიანის გადარჩენა მოახერხეს.
უკრაინული მედია წერს, რომ რუსებმა თავდასხმა განახორციელეს სხვა რაიონებზეც. თავდასხმის შედეგად სინელნიკოვსკის რაიონის პოკროვსკაიას თემში კერძო სახლს ხანძარი გაუჩნდა. კიდევ სამი სახლი და ერთი ავტომობილი დაზიანდა. ამ თავდასხმას 11 წლის ბიჭი ემსხვერპლა, კიდევ სამი ადამიანი კი დაშავდა.