ფრანგულმა საკონტეინერო გემმა ჰორმუზის სრუტე დატოვა – როგორც Bloomberg-ი იტყობინება, ეს არის დასავლეთ ევროპასთან დაკავშირებული გემის პირველი ასეთი ტრანზიტი ირანში ომის დაწყებისა და სრუტის ჩაკეტვის შემდეგ.
გემების თვალთვალის მონაცემებისა და ინფორმირებული პირების თანახმად, ხომალდმა CMA CGM Kribi-მ ირანის სანაპიროს გასწვრივ გაცურა და ომანის მახლობლად გამოჩნდა.
აშშ-ისა და ისრაელის დარტყმების შემდეგ ირანმა სრუტეზე კონტროლი გაამკაცრა – ის მხოლოდ შერჩეულ გემებს აძლევს გავლის უფლებას, ხოლო თავის მოწინააღმდეგეებთან დაკავშირებულ ხომალდებს აფრთხილებს.
ჩვეულებრივ, ამ წყალსატევზე მსოფლიო ნავთობისა და გაზის ნაკადების დაახლოებით მეხუთედი მოდის, თუმცა კონფლიქტის დაწყების შემდეგ მოძრაობა მკვეთრად შემცირდა.