“მედიასთან კომუნიკაციის სიხშირის და ხანგრძლივობის მხრივ, საქართველოს ჰყავს ყველაზე აქტიური პრემიერმინისტრი, პრეზიდენტიც და პარლამენტის თავმჯდომარეც… ერთადერთი ვინც გვჯობია არის აშშ-ის პრეზიდენტი” – შალვა პაპუაშვილმა განაცხადა.
“მედიასთან კომუნიკაციის სიხშირის და ხანგრძლივობის მხრივ, საქართველოს ჰყავს ყველაზე აქტიური პრემიერმინისტრი, პრეზიდენტიც და პარლამენტის თავმჯდომარეც.
მე მგონი, ამის ნაკლებობას არ განიცდით. ერთადერთი ვინც გვჯობია არის აშშ-ის პრეზიდენტი, რომელსაც ვაკვირდებით, რომ უფრო ხშირი კომუნიკაცია აქვს მედიასთან.
სხვა მხრივ, არ მეგულება დედამიწის ზურგზე არც ერთი ხელისუფლება, ნებისმიერი ევროკავშირის წევრი ქვეყნის ხელისუფლება აიღეთ, არც ერთი, სადაც პრემიერმინისტრი, პრეზიდენტი, პარლამენტის თავმჯდომარე, ასე ხშირად არის მედიასთან კავშირში… ფაქტობრივად ჰარდ თოქის რეჟიმში ვართ ხოლმე ჟურნალისტებთან ნებისმიერ კითხვაზე” – ამბობს პაპუაშვილი კითხვაზე, რატომ არ ჩანს კობახიძე რუბიოსთან სატელეფონო საუბრის შემდეგ.