ირანის მიერ ისრაელზე მიტანილი იერიშის შედეგად, სულ მცირე, 14 ადამიანი დაშავდა.
ამის შესახებ ადგილობრივი მედია წერს.
როგორც მედია იუწყება, ირანმა ისრაელზე შეტევა ბალისტიკური რაკეტით განახორციელა. იერიში ცენტრალურ ისრაელში მდებარე ქალაქ ბნეი ბრაკზე მიიტანეს.
დაშავებულთა შორის 11 წლის ბავშვია, რომლის მდგომარეობა მძიმეა, მოზარდი ამჟამად საავადმყოფოში იმყოფება.
როგორც მედია წერს, ირანმა იერიში მიიტანა თელ-ავივზეც, თუმცა არავინ დაშავებულა.