ისრაელის პრემიერ-მინისტრმა, ბენიამინ ნეთანიაჰუმ განაცხადა, რომ ისრაელი ირანის მიმართულებით დარტყმებს „სრული ძალით“ განაგრძობს.
ნეთანიაჰუმ ვიდეომიმართვაში ისაუბრა „ირანის ისლამური რევოლუციის გუშაგთა კორპუსის“ საზღვაო ძალების მეთაურის, ალირეზა ტანგსირის მკვლელობასთან დაკავშირებითაც.
„ლიკვიდირებულია რევოლუციური გვარდიის საზღვაო ძალების მეთაური. ამ პიროვნების ხელები სისხლით იყო შეღებილი. სწორედ ის იყო პასუხისმგებელი ჰორმუზის სრუტის დახურვაზე“, – განაცხადა ნეთანიაჰუმ.
ისრაელის პრემიერ-მინისტრმა მიმდინარე სამხედრო ოპერაცია მოიხსენია „საერთო საომარი მიზნების მიღწევაში“ ისრაელისა და აშშ-ის თანამშრომლობის კიდევ ერთ მაგალითად.