ოთხშაბათს, დილით ესტონეთის საჰაერო სივრცეში რუსეთის საზღვრიდან დრონი შეფრინდა და აუვერის ელექტროსადგურის საკვამურს შეეჯახა. ინფორმაციას ესტონეთის საზოგადოებრივი მაუწყებელი (ERR) ქვეყნის უსაფრთხოების სამსახურზე დაყრდნობით ავრცელებს.
მათივე ცნობით, ელექტროსადგურის ენერგეტიკული ინფრასტრუქტურა არ დაზიანებულა.
ამასთან, მომხდარის შედეგად არავინ დაშავებულა.
ესტონეთის იუსტიციის მინისტრის, ლიისა-ლი პაკოსტას განცხადებით, მთავრობა ინციდენტის გამო საგანგებო სხდომას გამართავს.