საფრანგეთის პრეზიდენტმა, ემანუელ მაკრონმა მკაცრად დაგმო სპარსეთის ყურის რეგიონში ენერგეტიკული ინფრასტრუქტურის განადგურება და მიმდინარე ესკალაციას „უგუნური“ უწოდა.
„ყველას გონება უნდა დამშვიდდეს და ბრძოლა შეწყდეს, სულ მცირე, რამდენიმე დღით, რათა მოლაპარაკებებს შანსი მიეცეს“, – განაცხადა მაკრონმა.
საფრანგეთის პრეზიდენტმა კონკრეტულად ახსენა კატარი, სადაც რაკეტის დარტყმის შედეგად ხანძარი გაჩნდა და მსოფლიოში უდიდესი, ქვეყნის მთავარი გაზის ობიექტი მძიმედ დაზიანდა.
მაკრონის განმარტებით, ესაუბრა კატარის ემირსაც და აშშ-ის პრეზიდენტ დონალდ ტრამპსაც.