აშშ-ის პრეზიდენტის, დონალდ ტრამპის ადმინისტრაცია ირანში კიდევ ათასობით ამერიკელი სამხედროს გაგზავნაზე მსჯელობს, ეს კი იმაზე მიანიშნებს, რომ ირანში მიმდინარე ომი, შესაძლოა, ახალ ფაზაში გადავიდეს, – ამის შესახებ სააგენტო „როიტერი“ წერს.
როგორც სააგენტო წერს, დამატებითი სამხედროების განლაგებამ ტრამპს, შესაძლოა, შესაძლებლობა მისცეს, სხვა ვარიანტები განიხილოს ოპერაციის გასაფართოებლად.
როგორც „როიტერს“ ერთ-ერთმა წყარომ განუცხადა, ვარიანტებს შორის არის ჰორმუზის სრუტეში ნავთობტანკერების უსაფრთხოდ გადაადგილების უზრუნველყოფა, თუმცა ამ შემთხვევაში აშშ-ს ჯარების ირანის სანაპირო ზოლში განლაგება მოუწევს.
ამასთან, სააგენტოსთან საუბარში ერთ-ერთი წყარო აცხადებს, რომ დონალდ ტრამპის კიდევ ერთი ვარიანტია კუნძულებ ხარგზე სამხედროების განლაგება. წყაროების ცნობით, მსგავსი ოპერაცია სარისკო იქნება და აღნიშნავენ, რომ ირანს აქვს რესურსი, კუნძულს რაკეტებითა და დრონებით შეუტიოს.