პაკისტანის მიერ ქაბულში, სარეაბილიტაციო საავადმყოფოზე მიტანილი იერიშის შედეგად, სულ მცირე, 400 ადამიანი დაიღუპა და 250 დაშავდა. ამის შესახებ ავღანეთის „თალიბანის“ მთავრობის პრესსპიკერის მოადგილემ, ჰამდულა ფიტრატმა განაცხადა.
მისი თქმით, ადგილზე სამაშველო ჯგუფები იმყოფებიან, რომლებიც ხანძრის ჩასაქრობად და დაშავებულების გადასარჩენად მუშაობენ.
„საავადმყოფოს დიდი ნაწილი განადგურებულია და არსებობს შიში, რომ მსხვერპლი გაცილებით დიდია. სამწუხაროდ, დაღუპულთა რიცხვმა ამ დროისთვის 400-ს მიაღწია, ხოლო 250-მდე დაშავდა“, – განაცხადა პრესსპიკერმა.
პაკისტანი ბრალდებას უარყოფს და აცხადებს, რომ იერიშები სამხედრო ობიექტებსა და ტერორისტული მხარდაჭერის ინფრასტრუქტურაზე განახორციელა.