რუმინეთი აპირებს დაამტკიცოს აშშ-ის მოთხოვნა შავი ზღვის საჰაერო ბაზაზე გამანადგურებლების დროებით განლაგების შესახებ, – ამის შესახებ ინფორმაციას „ბლუმბერგი“ ავრცელებს.
როგორც მედია წერს, აშშ-ის თხოვნა ირანთან მიმდინარე ომს უკავშირდება.
გავრცელებული ცნობით, ვაშინგტონი მიხაილ კოგალნიჩეანუს საჰაერო ბაზაზე რამდენიმე თვითმფრინავის გაგზავნას გეგმავს, სადაც უფრო ფართო ლოგისტიკური ოპერაციები და საწვავის შევსება განხორციელდება.
ერთ-ერთი წყაროს ცნობით, აშშ ასევე გეგმავს რუმინეთში 500-მდე ჯარისკაცის განლაგებას. რუმინეთის პრეზიდენტმა, ნიკუშორ დანმა დღეს უმაღლესი თავდაცვის საბჭოს სხდომა მოიწვია, რათა განეხილათ რუმინეთის ტერიტორიაზე „დამატებითი სამხედრო შესაძლებლობები“ აშშ-ს ხსენების გარეშე.