ისრაელის საჰაერო ძალების ავიაგამანადგურებლებმა თეირანში კომპანია Sahab Pardaz-ის შენობა დაბომბეს, რომელიც ირანში ინტერნეტის გათიშვის მთავარი შემოქმედია.
ისრაელის თავდაცვის ძალების განცხადებითვე, ღამით „ჰეზბოლას“ სამეთაურო ცენტრებსა და სხვა ინფრასტრუქტურაზე იერიში მიიტანეს – საჰაერო დარტყმები სამხრეთ ლიბანის ქალაქ ანსარში განხორციელდა.
დარტყმების დაწყებამდე, ისრაელის თავდაცვის ძალებმა ქალაქის მცხოვრებლები ევაკუაციასთან დაკავშირებით გააფრთხილეს.
„ტერორისტული ორგანიზაცია „ჰეზბოლა“ სამოქალაქო ტერიტორიებზე ტერორისტულ ინფრასტრუქტურას ათავსებს, რითაც საფრთხეს უქმნის ლიბანის მოსახლეობას. ლიბანის სამოქალაქო ტერიტორიებზე გაშვებების განთავსება და რაკეტების სროლა „ჰეზბოლას“ ტერორისტული მიზნების წინსვლის მიზნით ლიბანის მოსახლეობის ცინიკურ ექსპლუატაციას წარმოადგენს“, – აღნიშნულია ისრაელის თავდაცვის ძალების განცხადებაში.