ისრაელის თავდაცვის ძალების განცხადებით, ირანში მიწისქვეშა რაკეტების საწარმოსა და „ისლამური რევოლუციის გუშაგთა კორპუსის“ სამხედრო აკადემიას დაარტყეს.
მათივე ცნობით, თეირანსა და ცენტრალურ ირანში დარტყმები მთელი ღამის განმავლობაში გრძელდებოდა.
გვიან ღამით ისრაელის ავიაციამ ბომბები ჩამოყარა დასავლეთ ირანშიც. განადგურებულია, ქალაქ საკეზში მდებარე ირანის დაზვერვის სამსახურის ბაზა.
ასევე, ისრაელის თავდაცვის ძალები აცხადებს, რომ ომი ახალ ფაზაში შედის და ირანის იარაღის საწარმოო ობიექტებზე დარტყმები ძლიერდება.