“მივესალმები შექმნილ ოპოზიციურ ალიანსს” – სალომე ზურაბიშვილი

საქართველოს მეხუთე პრეზიდენტი, სალომე ზურაბიშვილი “ოპოზიციის ალიანსის” შექმნას მიესალმება. ამის შესახებ ის სოციალურ ქსელში წერს. 

მისი თქმით, როდესაც განსხვავებული პოლიტიკური ძალები თანხმდებიან ძირითად პრინციპებზე, ეს ნიშნავს, რომ საქართველოში დემოკრატიული ძალები მზად არიან აიღონ ინიციატივა და იმოქმედონ ქვეყნის გადასარჩენად.

სალომე ზურაბიშვილი აღნიშნავს, რომ აღნიშნული ნაბიჯი ქვეყანას კონკრეტულ ტრანზიციის სტრატეგიამდე მიიყვანს, რაც უნდა გახდეს საფუძველი პოლიტიკური და საზოგადოებრივი ძალების ერთიანი ბრძოლისათვის.

მივესალმები შექმნილ ოპოზიციურ ალიანსს!

ასეთ დროს, როდესაც განსხვავებული პოლიტიკური ძალები თანხმდებიან ძირითად პრინციპებზე, ეს ნიშნავს, რომ საქართველოში დემოკრატიული ძალები მზად არიან აიღონ ინიციატივა და იმოქმედონ ქვეყნის გადასარჩენად.

როგორც ქართული ქარტიის ინიციატორი, ამ წამოწყებაში ვხედავ მნიშვნელოვან და ახალ ნაბიჯს, რომელიც მიგვიყვანს კონკრეტულ ტრანზიციის სტრატეგიამდე. ეს სტრატეგია უნდა გახდეს საფუძველი პოლიტიკური და საზოგადოებრივი ძალების ერთიანი ბრძოლისათვის — რეჟიმის ცვლილებისა და მშვიდობიანი გარდაქმნის უზრუნველსაყოფად.

ქარტიისა და წინააღმდეგობის პლატფორმის გამოცდილება გვასწავლის, რომ ყოველგვარ პარტიულ თუ ვიწრო ინტერესზე მაღლა უნდა იდგეს ქვეყნის დამოუკიდებლობა, თავისუფლება და განვითარება — მისი მომავალი. სწორედ ასეთი მომავლის ხედვა, რომელიც აერთიანებს ოპოზიციურ სპექტრსა და საზოგადოებას, შეძლებს პოლარიზაციის გადალახვას და ახალ ეროვნულ კონსოლიდაციას,” – წერს სალომე ზურაბიშვილი.