ირანის მხრიდან გაშვებული უპილოტო საფრენი აპარატების სამიზნე გახდა ბაჰრეინში განლაგებული აშშ-ის საზღვაო ძალების მეხუთე ფლოტის ბაზა. ამის შესახებ ინფორმაციას „ბიბისი“ ავრცელებს.
ოფიციალური პირების განცხადებით, ბაზაზე დიდი ხანძარი გაჩნდა, თუმცა თავდასხმას მსხვერპლი არ მოჰყოლია, რადგან კონფლიქტის დაწყებამდე პერსონალი უკვე ევაკუირებული იყო.
ირანის შეტევების შედეგად ბაჰრეინში სულ ოთხი ადამიანი დაიჭრა. ბაჰრეინის ოფიციალური პირის განცხადებით, ქვეყნის ეროვნული უსაფრთხოება „განუყოფელია მეზობელი სახელმწიფოების და სტრატეგიული პარტნიორების უსაფრთხოებისგან“.