არგენტინაში შრომის რეფორმის პროტესტის ნიშნად ქვეყნის მასშტაბით 24-საათიანი გაფიცვა დაიწყო.
ამის შესახებ „როიტერი“ წერს.
გაფიცვაში მონაწილეობენ ტრანსპორტის, საჯარო სექტორისა და ბანკის თანამშრომლები. გაფიცვას შეუერთდა სახელმწიფო ავიაკომპანია Aerolineas Argentinas.
ბუენოს-აირესში მეტროსა და ავტობუსების მიმოსვლა შეჩერებულია.
მედიის ცნობით, კონგრესის შენობასთან შეკრებილ აქციის მონაწილეებსა და უსაფრთხოების ძალებს შორის დაპირისპირება მოხდა. პოლიციამ დემონსტრანტების დასაშლელად წყლის ჭავლი და ცრემლსადენი გაზი გამოიყენა.
მთავრობა ამტკიცებს, რომ ხავიერ მილეის მიერ მხარდაჭერილი კანონპროექტი, რომელიც სენატმა გასულ კვირას დაამტკიცა, წაახალისებს ინვესტიციებს და ხელს შეუწყობს დასაქმებას.