ღამით განხორციელებული რუსული თავდასხმების გამო, უკრაინის პრეზიდენტმა დავოსში დღეს დაგეგმილი ვიზიტი გააუქმა – ვოლოდიმირ ზელენსკი კიევში რჩება.
დავოსში შეკრებილი მსოფლიო ლიდერებისთვის მიმართვა გაავრცელა უკრაინის საგარეო საქმეთა მინისტრმა:
“კიევში ათასობით სახლი გათბობის გარეშეა, -15°C ტემპერატურის ფონზე რუსეთის მიერ ღამით განხორციელებული მასობრივი დარტყმის შემდეგ.
ომის დამნაშავე პუტინი აგრძელებს გენოციდის ომს ქალების, ბავშვებისა და მოხუცების წინააღმდეგ.
კიევზე, ვინიცაზე, დნეპროზე, ოდესაზე, ზაპოროჟიეზე, პოლტავაზე, სუმისა და სხვა რეგიონებზე განხორციელებულმა დარტყმებმა მშვიდობიან მოსახლეობაში მსხვერპლი და ენერგეტიკული ინფრასტრუქტურის დაზიანება გამოიწვია.
უკრაინელი ხალხის გამძლეობა არ შეიძლება იყოს ამ ომის გაგრძელების საბაბი. ის რაც შეიძლება მალე უნდა დასრულდეს.
პუტინის დღევანდელი ბარბაროსული დარტყმა დავოსში შეკრებილი მსოფლიო ლიდერებისთვის გამოფხიზლების ზარია: უკრაინელი ხალხის მხარდაჭერა სასწრაფოა; ევროპაში მშვიდობა არ იქნება უკრაინისთვის მდგრადი მშვიდობის გარეშე; მშვიდობის მიღწევა მხოლოდ ძალით არის შესაძლებელი; ჩვენ გვჭირდება სასწრაფო დამატებითი ენერგეტიკული დახმარება, საჰაერო თავდაცვა და გამანადგურებლები, ასევე სანქციების ზეწოლა მოსკოვზე” – წერს X-ზე ანდრეი სიბიგა.