გუშინ ღამით უკრაინულმა დრონებმა რუსეთის რამდენიმე რეგიონში სამიზნეებს შეუტიეს. დაიბომბა სამხედრო ქარხნები და ენერგეტიკული ობიექტები. კერძოდ, ლიპეცკის ოლქში მდებარე უსმანის ნავთობბაზას ცეცხლი გაუჩნდა, ინფორმაციას უკრაინული მედია ავრცელებს. გამოცემა Unian-ის ცნობით, უსმანის ნავთობბაზა ნავთობპროდუქტებს ყიდის და მანქანებით ნავთობპროდუქტების ტრანსპორტირების მომსახურებასაც უზრუნველყოფს.
ლიპეცკის ოლქის გუბერნატორმა იგორ არტამონოვმა დაადასტურა, რომ დრონის ჩამოვარდნამ უსმანის ოლქში სამრეწველო ობიექტში ხანძარი გამოიწვია. მან კონკრეტული ობიექტი არ დააკონკრეტა.